შშმ პირის სტატუსის მოპოვება საქართველოში

შშმ პირის სტატუსის მიღება შეუძლიათ როგორც ბავშვებს, ასევე ზრდასრულებს.

2022 წლის თებერვლის შემდეგ საქართველოში შემოსული უკრაინის მოქალაქე (გარდა თავშესაფრის მაძიებელი პირებისა) გადის შშმ პირის სტატუსის შეღავათების გარეშე მოპოვების შემდეგ პროცედურას:

• მიმართავს სამედიცინო ცენტრს, სადაც არის კომისია, რომელიც განიხილავს შშმ პირის სტატუსის მინიჭების საკითხს.

• კომისიისთვის განაცხადის წარგდენა ფასიანია. კომისიის მოთხოვნით ტარდება კვლევები, რომლებიც ასევე ფასიანია.

• ფასი დამოკიდებულია იმაზე, თუ რა სახის ჯანმრთელობის პრობლემა აქვს ბენეფიციარს.

• თუ გაქვთ უკრაინაში მიღებული შშმ პირის სტატუსის დამადასტურებელი დოკუმენტი, ამ დოკუმენტს საქართველოს ჯანდაცვის სისტემა არ აღიარებს. თუმცა, თუ ეს დოკუმენტი თარგმნილია და დამოწმებულია ნოტარიუსის მიერ, ის შეიძლება წარედგინოს კომისიას.

• თავშესაფრის მაძიებლის ან სტატუსის მქონე პირისთვის დოკუმენტების წარდგენა კომისიაში უფასოა, მაგრამ გამოკვლევა ფასიანია. ფასი დამოკიდებულია იმაზე, თუ რა სახის ჯანმრთელობის პრობლემა აქვს ბენეფიციარს.

• სტატუსის მოპოვების შემთხვევაში უცხო სახელმწიფოს მოქალაქე საქართველოში ინვალიდობის პენსიას ვერ მიიღებს, თუ ქვეყანაში 10 წელი უწყვეტად არ ცხოვრობს.

შშმ პირის სტატუსის დასადგენად ბენეფიციარი უნდა დაუკავშირდეს ერთ-ერთ სამედიცინო დაწესებულებას, რომელსაც მინიჭებული აქვს სამედიცინო და სოციალური შემოწმების ჩატარების უფლება და სადაც მოქმედებს სტატუსის დამდგენი კომისია.

იმ სამედიცინო დაწესებულებების ჩამონათვალი, რომლებსაცამ კვლევების ჩატარების უფლება აქვთ, შეგიძლიათ მოიძიოთ ვებ-გვერდზე: https://rama.moh.gov.ge 

ან დაუკავშირდით საქართველოს ოკუპირებული ტერიტორიებიდან დევნილთა შრომის, ჯანმრთელობისა და სოციალური დაცვის სამინისტროს ცხელ ხაზზე: 1505 / 032 2 510 026.

მომზადებულია World Vision in Georgia-ს ინფორმაციის საფუძველზე