უკრაინელი სტუდენტები ნიუ ვიჟენ უნივერსიტეტში სწავლას უფასოდ გააგრძელებენ

უკრაინაში საომარი მოქმედებების  შეწყვეტამდე და სასწავლო პროცესის სრულფასოვან აღდგენამდე ნიუ ვიჟენ უნივერსიტეტი (New Vision University) უკრაინელ სტუდენტებს  სწავლის გაგრძელების შესაძლებლობას სთავაზობს. 

პროექტი უკრაინის პარტნიორ  სასწავლებლებთან ორმხრივი  თანამშრომლობის ფარგლებში ხორციელდება და შეთავაზების  პირობები ასე გამოიყურება:

• უკრაინისმოქალაქე სტუდენტებს ექნებათ სწავლის უსასყიდლოდ გაგრძელების შესაძლებლობა  უნივერსიტეტის ყველა  საგანმანათლებლო პროგრამაზე;
• უკრაინის მოქალაქეობის არმქონე  სტუდენტები შეძლებენ სწავლას ერთი ან რამდენიმე სემესტრის განმავლობაში, მათი უკრაინულიუნივერსიტეტის მიერ შემდგომი აღიარებით;
• შემოდგომი სემესტრიდან უკრაინული  უნივერსიტეტების სტუდენტებს  ექნებათ ცენტრალური     და დასავლეთ ევროპის 30-მდე პარტნიორი უნივერსიტეტის გაცვლით პროგრამებში ჩართვის                      შესაძლებლობა;
• ათი უკრაინელი სტუდენტი მონაწილეობას მიიღებს DAAD-ის მხარდაჭერით ორგანიზებულ საზაფხულო      სკოლაში “Tradition vs. Modernity in the Shared Neighborhood“.

დაინტერესებული პირები  დეტალური ინფორმაციის მისაღებადუნდა დაუკავშირდნენ  უნივერსიტეტის საერთაშორისო  ურთიერთობების დეპარტამენტს ელ.ფოსტის მისამართზე ir@newvision.ge ან ივანნა მაჩიტიძეს მისამართზე  imachitidze@newvision.ge.