“ომის დღიურები” – უკრაინელი არტისტების მონაწილეობით მულტიმედიური პროექტი იწყება

28 მაისიდან თბილისის გალერეების საგამოფენო სივრცეები დაეთმობა პროექტს “ომის დღიურები”. პროექტი აერთიანებს ხელოვნების სხვადასხვა დარგში მოღვაწე უკრაინელ არტისტებს – მხატვრებს, მუსიკოსებს, მსახიობებსა და მწერლებს. 

Artbeat, 4710, E.A. საერთო სივრცე და ჟურნალი Danarti, Window Project, Propaganda.network, POSTA DA KONA & LC-QUEISSER, THE WHY NOT გალერეა, Patara გალერეა, JIBU/TASO – სწორედ ამ გალერეებში  იქნება წარმოდგენილი უკრაინელი არტისტების ნამუშევრები.

პროგრამის თითქმის ყველა მონაწილე უკრაინაში რჩება. ამიტომ, ღონისძიების  მიზანი ისიც არის, რომ  შეაგროვოს ფინანსები მათ მხარდასაჭერად.

თბილისის შემდეგ, ფესტივალ nterchanGE-ის ფარგლებში, “ომის დღიურები”   ბათუმში გადაინაცვლებს და ივნისის ბოლომდე გაგრძელდება. ქართველ მუსიკოსებთან ერთად ბათუმის პროგრამის ფარგლებში უკრაინული მუსიკალური ჯგუფის – ATOMIC SIMAO-ს ლაივ სტრიმიც გაიმართება.

წყარო: at.ge