თსუ უკრაინელ სტუდენტებს საერთო საცხოვრებლითა და სტიპენდიით უზრუნველყოფს

ივანე ჯავახიშვილის სახელობის  თბილისის სახელმწიფო  უნივერსიტეტი საქართველოში მყოფ უკრაინის მოქალაქეებს  სხვადასხვა ტიპის დახმარებას  სთავაზობს:

• უკრაინელ სტუდენტებს, რომლებიც თბილისის სახელმწიფო უნივერსიტეტში სწავლობენ და იმყოფებიან  საქართველოში, საერთო  საცხოვრებლით უფასოდ  სარგებლობა შეეძლებათ, ხოლო 2021-2022 სასწავლო წლის გაზაფხულის  სემესტრში დაენიშნებათ სტიპენდია;

• უკრაინელ სტუდენტებს, რომლებიც საქართველოში დასასვენებლად  იმყოფებოდნენ  და უკრაინაში მიმდინარე საომარი  მოქმედებების გამო ვერ  გაემგზავრნენ სამშობლოში,  შესაძლებლობა ექნებათ,  უსასყიდლოდ ისარგებლონ თსუ-ს საერთო საცხოვრებლით;

• საქართველოში მყოფ უკრაინის  მოქალაქეებს უნივერსიტეტის  მოკლევადიან სასერტიფიკატო  კურსებზე სწავლა უსასყიდლოდ  შეეძლებათ;

თსუ უკრაინის ყველა მოქალაქეს  კვალიფიციური სპეციალისტების  ფსიქოლოგიურ დახმარებასაც  სთავაზობს.

საერთო საცხოვრებელთან  დაკაშირებულ საკითხებზე  მიმართეთ გიორგი გრიგოლაშვილს  ელ.ფოსტაზე  giorgi.grigolashvili@tsu.ge, ტელეფონი: +995555654140.

სასერტიფიკატო კურსებთან  დაკავშირებულ საკითხებზე  მიმართეთ ქეთი ცინცაძეს  ელ.ფოსტაზე: keti.tsintsadze@tsu.ge, ტელეფონი: +995577248848.