სად და როგორ უნდა მიიღონ უკრაინის მოქალაქეებმა სამედიცინო მომსახურება საქართველოში

ხელმისაწვდომია თუ არა უკრაინის მოქალაქეებისათვის საქართველოში ჯანდაცვის სერვისები?

უკრაინის მოქალაქეები, რომლებიც ომის შედეგად საქართველოში იმყოფებიან, სარგებლობენ მთელი რიგი უფასო სამედიცინო სერვისებით როგორც სახელმწიფოსგან, ისე კერძო კლინიკებისაგან (იხ. ქვემოთ).

სამედიცინო სერვისები სახელმწიფოსგან

ვინ სარგებლობს სახელმწიფო სამედიცინო სერვისებით უფასოდ?

უკრაინის მოქალაქეები, რომლებიც საქართველოში შემოვიდნენ 2022 წლის 1 თებერვლიდან 2023 წლის 1 მაისამდე და უწყვეტად იმყოფებიან საქართველოს ტერიტორიაზე სარგებლობენ სახელმწიფო ჯანდაცვის პროგრამის მომსახურებით.

საჭიროა თუ არა წინასწარი რეგისტრაცია?

სახელმწიფო სამედიცინო სერვისების მისაღებად არ არის საჭირო წინასწარი რეგისტრაცია ან აღრიცხვა რომელიმე უწყებაში.

რა დოკუმენტები დაგჭირდებათ სამედიცინო მომსახურების მისაღებად?

პირადობის დამადასტურებელი დოკუმენტის (საზღვარგარეთის პასპორტი, პირადობის მოწმობა, დაბადების მოწმობა) ასლი. ამასთან, აუცილებელია დოკუმენტის იმ გვერდის დაფიქსირება, რომელზეც მითითებულია საზღვრის კვეთის თარიღი, ან შინაგან საქმეთა სამინისტროს მომსახურების სააგენტოს მიერ გაცემული ცნობის წარმოდგენა საზღვრის კვეთის ადგილისა და დროის შესახებ.

რა სახის სამედიცინო სერვისები ეკუთვნით უკრაინის მოქალაქეებს უფასოდ?

• სასწრაფო სამედიცინო დახმარება
• იმუნიზაცია
• ტუბერკულოზისა და აივ ინფექციის/შიდსის მკურნალობა, მათ შორის სპეციფიკური მედიკამენტებით უზრუნველყოფა. 
• დედათა და ბავშვთა ჯანმრთელობა, მათ შორის ანტენატალური მეთვალყურეობა და ახალშობილთა სკრინინგი
• ფსიქიკური ჯანმრთელობა
• დიაბეტის მართვა, მათ შორის მედიკამენტებით უზრუნველყოფა
• დიალიზი
• იშვიათი დაავადებების მქონე და მუდმივ ჩანაცვლებით მურნალობას დაქვემდებარებუ პაციენტთა მკურნალობა
• ახალი კორონავირუსული დაავადების  Covid 19-ის მართვა, მათ შორის ტესტირება, ვაქცინაცია, ბინაზე და სტაციონარში მოთავსება 
• რეფერალური მომსახურება - გადაუდებელი საჭიროების სამედიცინო სერვისები, მათ შორის მშობიარობა, გადაუდებელი იმუნიზაცია

სასწრაფო სამედიცინო დახმარება

სახელმწიფო პროგრამის ფარგლებში გათვალისწინებულია,  სასწრაფო სამედიცინო დახმარება და სამედიცინო ტრანსპორტირება. ეს მომსახურება უფასოა საქართველოს ტერიტორიაზე მყოფი ყველა პირისთის, მათ შორის უკრაინის მოქალაქეებისათვის. 

სასწრაფო სამედიცინო დახმარების გამოსაძახებლად დარეკეთ ნომერზე 112.

რეფერალური მომსახურება

რა შედის რეფერალურ სამედიცინო მომსახურებაში?

რეფერალური მომსახურების სახელმწიფო პროგრამის ფარგლებში ფინანსდება:

• გადაუდებელი სამედიცინო დახმარება (კერძოდ მშობიარობა, გადაუდებელი იმუნიზაცია, ჰოსპიტალიზაცია);
• შეგიძლიათ მიმართოთ გამოკვლევების/ანალიზების/ ქირურგიული ჩარევების/კონსულტაციების დაფინანსებას, ასევე მედიკამენტების დაფინანსებას.

სად შეიძლება რეფერალური მომსახურების მიღება?

უკრაინის მოქალაქეებს შეუძლიათ მიმართონ საქართველოს ტერიტორიაზე

არსებულ ნებისმიერ სამედიცინო დაწესებულებას, რომელიც დარეგისტრირებულია

რეფერალური მომსახურების სახელმწიფო პროგრამის მომწოდებლად - ასეთია

საქართველოს სამედიცინო დაწესებულებების აბსოლუტური უმრავლესობა.

ამისათვის საჭიროა განცხადების დაწერა, დოკუმენტაციის დამატება და კომისიაში წარდგენა, რომელიც სპეციალურად შექმნილია ასეთი მოთხოვნების განსახილველად. კომისიამ გადაწყვეტილება 1 თვის ვადაში უნდა მიიღოს. რეფერალური სერვისის ფარგლებში განაცხადის შეტანა შესაძლებელია მხოლოდ სამედიცინო მომსახურების გადახდის მომენტამდე. მომსახურებისთვის უკვე გადახდილი თანხა უკან არ ბრუნდება. პაციენტმა უნდა აცნობოს სამედიცინო დაწესებულების თანამშრომელს, რომ მას სურს მიმართოს რეფერალურ სამსახურში. თუ კომისია უარს იტყვის ანაზღაურებაზე, პაციენტი იხდის მომსახურების საფასურს.

გამოკვლევების/ანალიზების/ქირურგიული   ჩარევების/კონსულტაციების დაფინანსებაზე განაცხადის წარდგენის პროცედურა

სამედიცინო მომსახურების გაწევის დაწესებულება ჯანდაცვის სამინისტროს პორტალს უგზავნის ფორმა No IV – 100/A (ჯანმრთელობის ცნობა, ფორმა 100) და გაანგარიშებას, განაცხადს ენიჭება ნომერი, პაციენტმა უნდა აიღოს ეს ნომერი სამედიცინო დაწესებულებაში და ჩაიწეროს თავისთავად,);

პაციენტი მიმართავს ჯანდაცვის სამინისტროს შემდეგი დოკუმენტებით:

• ფორმა No IV – 100/ა
• გაანგარიშება
• მითითებული უნდა იყოს სამედიცინო დაწესებულების მიერ მინიჭებული განაცხადის ნომერი,
• პასპორტის გვერდის ასლი, რომელზეც არის ბეჭედი საქართველოს საზღვრის გადაკვეთის შესახებ. თუ შემოსული ხართ შიდა დოკუმენტებით, მაშინ ცნობა საქართველოს საზღვრის გადაკვეთის შესახებ (პოლიციის მიერ გაცემული)
• განმცხადებლის ან მისი წარმომადგენლის საზღვარგარეთის პასპორტის, პირადობის ან პასპორტის, ან უკრაინაში მუდმივი ბინადრობის ნებართვის ასლი
• სოციალური დაუცველობის დამადასტურებელი დოკუმენტები (იძულებით გადაადგილებული პირის მოწმობა, შშშ პირის სტატუსის ცნობა, პენსიონერის მოწმობა და ა.შ. -  არსებობის შემთხვევაში)

ან გააგზავნეთ ეს ინფორმაცია ელ-ფოსტაზე: info@moh.gov.ge 

აუცილებელია მიუთითოთ, რა ტიპის დაფინანსებაზე მიმართავთ (მშობიარობის დასაფინანსებლად, მედიკამენტების, ქირურგიულ ჩარევის და ა.შ.)

წამლების დაფინანსებაზე განაცხადის პროცედურა (მათ შორის ქრონიკული დაავადებები: ეპილეფსია, პარკინსონის დაავადება და ა.შ., გარდა დიაბეტისა):

• პაციენტს მიაქვს ფორმა No IV – 100/A (ჯანმრთელობის ცნობა, ფორმა 100) (არ უნდა იყოს ხელით შევსებული, არამედ ამობეჭდილი) ნებისმიერი ქსელის აფთიაქში (ფორმა უნდა შეიცავდეს დეტალურ ინფორმაციას წამლის მისაღებად, როგორიცაა  წამლის დასახელება, დღიური დოზა, რაოდენობა, მიღების ხანგრძლივობა, საჭიროების შემთხვევაში, მგ-ის რაოდენობა), აფთიაქი თავად გასცემს გაანგარიშებას და განაცხადს მინიჭებული ნომრით (ჩაწერეთ ნომერი, ეს მნიშვნელოვანია) ჯანდაცვის სამინისტროსთვის.
• ფორმა No IV – 100/А
• გაანგარიშება აფთიაქიდან
• აუცილებლად მიუთითეთ აფთიაქში მინიჭებული განაცხადის ნომერი
• პასპორტის გვერდის ასლი, რომელზეც არის ბეჭედი საქართველოს საზღვრის გადაკვეთის შესახებ. თუ შემოსული ხართ შიდა დოკუმენტებით, მაშინ ცნობა საქართველოს საზღვრის გადაკვეთის შესახებ (პოლიციის მიერ გაცემული)
• განმცხადებლის ან მისი წარმომადგენლის უცხოური პასპორტის, პირადობის ან პასპორტის, ან უკრაინაში მუდმივი ბინადრობის ნებართვის ასლი
• სოციალური დაუცველობის დამადასტურებელი დოკუმენტები (იძულებით გადაადგილებული პირის მოწმობა, შშშ პირის სტატუსის ცნობა, პენსიონერის მოწმობა და ა.შ., არსებობის შემთხვევაში)

ან გაგზავნეთ ეს ინფორმაცია ელ-ფოსტაზე: info@moh.gov.ge

ომის დაწყების შემდეგ უკრაინიდან დევნილ პირებს (გარდა თავშესაფრის მაძიებლის სტატუსისა) შეუძლიათ მიმართონ სარეაბილიტაციო ფონდებს.

განაცხადის პროცედურა რეაბილიტაციის დაფინანსებაზე

სამედიცინო მომსახურების გამწევი დაწესებულება, პაციენტის მოთხოვნით, ჯანდაცვის სამინისტროს პორტალს უგზავნის ფორმა No IV - 100/ა-ს (ჯანმრთელობის ცნობა, ფორმა 100) და გაანგარიშებას. განმცხადებელს მიენიჭება საკონტროლო ნომერი;

• პაციენტი მიმართავს ჯანდაცვის სამინისტროს განაცხადის ნომრით, წარადგენს ფორმა No IV - 100/A-ს და გაანგარიშებას;
• განმცხადებელმა უნდა დაურთოს შშმ პირის სტატუსის დამადასტურებელი დოკუმენტი (არსებობის შემთხვევაში) ქართულ ენაზე. თუ ექიმი საჭიროდ ჩათვლის, რომ პირმა მიიღოს შშმ პირის სტატუსი საქართველოში, უნდა გასცეს რეკომენდაცია;
• პასპორტის გვერდის ასლი, რომელზეც არის ბეჭედი საქართველოს საზღვრის გადაკვეთის შესახებ. თუ შემოსული ხართ შიდა დოკუმენტებით, მაშინ ცნობა საქართველოს საზღვრის გადაკვეთის შესახებ (პოლიციის მიერ გაცემული)
• განმცხადებლის ან მისი წარმომადგენლის საზღვარგარეთის პასპორტის, პირადობის ან პასპორტის, ან უკრაინაში მუდმივი ბინადრობის ნებართვის ასლი.
• სოციალური დაუცველობის დამადასტურებელი დოკუმენტები (იძულებით გადაადგილებული პირის მოწმობა, შშშ პირის სტატუსის ცნობა, პენსიონერის მოწმობა და ა.შ., არსებობის შემთხვევაში)

ან გაგზავნოთ ეს ინფორმაცია ელ-ფოსტაზე: info@moh.gov.ge

ახალი კორონავირუსული დაავადება

ახალი კოროვირუსული დაავადების მკურნალობა, მათ შორის ტესტირება, ვაქცინაცია და სტაციონარული მკურნალობა:

• ტესტირება
• ვაქცინაცია
• მკურნალობა (სახლში და სტაციონარში).

მომსახურების მისაღებად საჭიროა დაუკავშირდეთ სამედიცინო დაწესებულებას-მიმწოდებელს. დამატებითი ინფორმაციისთვის და იმ კლინიკების ჩამონათვალისთვის, რომლებიც უზრუნველყოფენ სამედიცინო მომსახურებას პროგრამის ფარგლებში, ეწვიეთ ვებგვერდს:

ჯანმრთელობის დაცვის ეროვნული სააგენტოს სამიზნე პროგრამები: https://nha.gov.ge

დიალიზი

უკმარისობით ტერმინალური სტადიით მქონე ადამიანებისთვის გათვალისწინებულია:

• დიალიზის უზრუნველყოფა;
• ლაბორატორიული კვლევები;
• მედიკამენტებით უზრუნველყოფა;

პროგრამაში მონაწილეობის მისაღებად: პაციენტმა უნდა მიმართოს ჯანმრთელობის დაცვის ეროვნულ სააგენტოს (ჯანდაცვაში) და შეავსოს დადგენილი განაცხადის ფორმა, რომელიც თან ერთვის ფორმას No IV - 100/A (ჯანმრთელობის ცნობა, ფორმა) გაცემული სამედიცინო დაწესებულების მიერ, რომელიც ახორციელებს პროგრამას.

ტუბერკულოზი

რა შედის უფასო მომსახურებაში?

დიაგნოსტიკა

მკურნალობა ამბულატორიულ და სტაციონარულ რეჟიმში

მედიკამენტები

რომელ კლინკებში შეძლებთ მომსახურების მიღებას?

სტაციონარული და ამბულატორიული სერვისების მიღება შეგიძლიათ შემდეგ კლინკებში:

• თბილისში: ტუბერკულოზისა და ფილტვის დაავადებათა ეროვნული ცენტრი

აჭარის ქუჩა 8, ტელ: 032 291 19 26

• ქუთაისში: დასავლეთ საქართველოს ტუბერკულოზისა და ფილტვის დაავადებათა ცენტრი 

ჩხობაძის ქუჩა 20

• ბათუმში: ქ.ბათუმის ინფექციური პათოლოგიის, შიდსის და ტუბერკულოზის რეგიონული ცენტრი

ჯემალ ქათამაძის ქ. 11, ტელ: 0422 29 45 72

• ზუგდიდში: ზუგდიდის რეგიონული ტუბსაწინააღმდეგო საავადმყოფო

პარიზის ქუჩა 27

დამატებით იმ კლინიკების ჩამონათვალი საქართველოს სხვადასხვა რეგიონში, სადაც ამბულატორიულ მომსახურებას მიიღებთ, იხილეთ ბმულზე.  

აივ ინფექცია/შიდსი

რა შედის უფასო მომსახურებაში?

• დიაგნოსტიკა
• მკურნალობა ამბულატორიულ და სტაციონარულ რეჟიმში
• მედიკამენტები

რომელ კლინკებში შეძლებთ მომსახურების მიღებას?

• თბილისში: ინფექციური პათოლოგიის შიდსისა და კლინიკური იმუნოლოგიის სამეცნიერო-პრაქტიკული ცენტრი

ყაზბეგის გამზ. 16, ტელ: 032 239 80 18

• ქუთაისში: დასავლეთ საქართველოს ტუბერკულოზისა და ინფექციურ პათოლოგიათა ცენტრი

ჩხობაძის ქუჩა N20

მულტიპროფილური ჰოსპიტალი - მედიქალ სიტი და ინფექციურ დაავადებათა მართვის

ცენტრი

ფოთის ქუჩა 40, 0431 243909

• ბათუმში: სალიხ აბაშიძის ინფექციური პათოლოგიის, შიდსის და ტუბერკულოზის რეგიონული ცენტრი

ჯ.ქათამაძის 11 ტელ: 0422 29 45 72

• ზუგდიდში: ზუგდიდის ინფექციური საავადმყოფო

ონარია, ზუგდიდი, 0415 22-93-79

იშვიათი და მუდმივ ჩანაცვლებით მკურნალობას დაქვემდებარებული დაავადებები

რა ითვლება იშვიათ ან მუდმივ ჩანაცვლებით მკურნალობას დაქვემდებარებულ დაავადებად?

სახელმწიფო პროგრამაში განსაზღვრულია იშვიათი და მუდმივ ჩანაცვლებით მკურნალობას დაქვემდებარებული დაავადებების ნუსხა, რომელშიც შედის ისეთი დაავადებები როგორიცაა:

• ალსტრემის სინდრომი
• ადისონის დაავადება
• არასრული ოსტეოგენეზი და სხვ.

ჩამონათვალი სრულად იხილეთ აქ (დააწკაპუნეთ ბმულზე).

ამავე ნუსხაში მითითებულია, რომელი დაავადებისათვის არის გათვალისწინებული უფასო ამბულატორიული მეტვალყურეობა ან/და სტაციონარული მკურნალობა ან/და მედიკამენტებით უზრუნველყოფა. 

ვის შეუძლია ისარგებლოს მომსახურებით?

იშვიათი და მუდმივ ჩანაცვლებით მკურნალობას დაქვემდებარებული დაავადებების ამბულატორიული ზედამხედველობის და სტაციონარული მომსახურების კომპონენტები ვრცელდება მხოლოდ 18 წლამდე ასაკის პაციენტებზე. პროგრამის ფარგლებში გათვალისწინებული მომსახურების, მათ შორის მედიკამენტების, თანხა იფარება სრულად. 

სახელმწიფოს მიერ დაფინანსებულ სამედიცინო სერვისებთან დაკავშირებით დამატებითი კითხვების შემთხვევავში, დარეკეთ საქართველოს დევნილთა, შრომის, ჯანმრთელობისა და სოციალური დაცვის სამინისტროს ცხელ ხაზზე: 1505.

შეზღუდული შესაძლებლობის მქონე პირის სტატუსის მინიჭება

შეზღუდული შესაძლებლობის სტატუსის მიღება შეუძლიათ როგორც ბავშვებს,

ისე მოზრდილებს.

• თებერვლის შემდეგ საქართველოში შემოსული უკრაინის მოქალაქე (არა თავშესაფრის მაძიებელი) გადის შეზღუდული შესაძლებლობის მქონე პირის სტატუსის მიღების პროცედურას შეღავათების გარეშე.
• უკრაინის მოქალაქემ უნდა მიმართოს სამედიცინო ცენტრს, სადაც არის კომისია, რომელიც განიხილავს შეზღუდული შესაძლებლობის მქონე პირის სტატუსის მინიჭების საკითხს.
• კომისიაში განაცხადის წარდგენა ფასიანია. კომისიის მოთხოვნით ატარებს კვლევას, რომელიც ასევე ხდება შეღავათების გარეშე. ფასი დამოკიდებულია ბენეფიციარის ჯანმრთელობის პრობლემის სახეობაზე. 
• თუ უკრაინის მოქალაქეს აქვს უკრაინაში მიღებული შშმ პირის სტატუსის დამადასტურებელი დოკუმენტი, ეს დოკუმენტი არ არის აღიარებული საქართველოს ჯანდაცვის სამსახურის მიერ. თუმცა, თუ ეს დოკუმენტი ნათარგმნია და ნოტარიულად დამოწმებულია, ის შეიძლება წარედგინოს კომისიას. 
• თავშესაფრის მაძიებლის ან სტატუსის მქონე პირისთვის დოკუმენტების წარდგენა კომისიაში უფასოა, მაგრამ კვლევა ფასიანია. ფასი დამოკიდებულია ბენეფიციარის ჯანმრთელობის პრობლემის სახეობაზე.
• სტატუსის მოპოვების შემთხვევაში უცხო ქვეყნის მოქალაქე ვერ მიიღებს ინვალიდობის პენსიას საქართველოში, გარდა იმ შემთხვევისა, როცა ქვეყანაში 10 წელი უწყვეტად ცხოვრობს.

იმ სამედიცინო დაწესებულებების ჩამონათვალს, რომლებსაც აქვთ სამედიცინო და სოციალური ექსპერტიზის ჩატარების უფლება, შეგიძლიათ გაეცნოთ ჯანდაცვის სამინისტროს სამედიცინო და ფარმაცევტული საქმიანობის რეგულირების სააგენტოს ვებგვერდზე: https://rama.moh.gov.ge

კერძო კლინიკების მომსახურება

შესაძლებელია თუ არა უფასო სამედიცინო მომსახურების მიღება კერძო კლინიკებში?

კერძო კლინიკების გარკვეული ნაწილი საქართველოში უკრაინის მოქალაქეებს სთავაზობს უფასო მომსახურებას, მათ შორის გადაუდებელ სტომატოლოგიურ, ქირურგიულ, ოფთალმოლოგიურ და სხვა მომსახურებას. ამ შეთავაზებების სანახვად გადადით ბმულზე https://dopomoga.ge/?category=23 

შენიშვნა: Dopomoga Ukraini-ს გუნდი პერიოდულად ანახლებს ვებ-გვერდზე განთავსებულ ინფორმაციას შეთავაზებებიბს შესახებ თუმცა სამედიცინო დაწესებულებაში გამოცხადებამდე, გირჩევთ, წინასწარ გაარკვიოთ მოსმახურების ხელმისაწვდომობა, ხოლო კლინიკაში მისვლისას თან იქონიოთ პირადობის დამდასტურებელი დოკუმენტი. 

მასალა მოამზადა Dopomoga Ukraini-ს გუნდმა საქართველოს მთავრობის 2022 წლის 5 აპრილს #602 განკარგულების და საქართველოს დევნილთა, შრომის, ჯანმრთელობისა და სოციალური დაცვის სამინისტროდან გამოთხოვილი ინფორმაციის მიხედვით. მასალა პერიოდულად განახლდება.

საქართველოს მთავრობის განკარგულება N602 და არაოფიციალური თარგმანი უკრაინულ ენაზე იხილეთ აქ -https://bit.ly/3wB5g36 

მომსახურების პირობები მუდმივად იცვლება. უახლესი ინფორმაციისთვის გთხოვთ, დაუკავშირდეთ ჯანდაცვის სამინისტროს ცხელ ხაზზე 1505.