2022 წლის თბილისის ფოტო ფესტივალის ფოკუსში უკრაინაა

თბილისის რიგით მე-13 ფოტო ფესტივალი 23 სექტემბერს გაიხსნება. პროგრამის ცენტრალური ნაწილი ორ გამოფენას აერთიანებს: 

• პოლონელი ფოტოგრაფის, იუსტინა მელნიკევიჩის დოკუმენტურ ფოტო პროექტს “ნაპირებს შორის მიედინება უკრაინა“, რომელიც თანამედროვე უკრაინის სიღრმისეული კვლევაა 2014 წლიდან დღემდე; 
• უკრაინელი ხელოვანების, ანდრიი დოსტლიევის და ლია დოსტლიევას კონცეპტუალურ ფოტო პროექტს “ნაომარი იარების დაამება“ – 5 წლიანი პერიოდის განმავლობაში (2016-2021 წლებში) მიმდინარე პერფორმანსის დოკუმენტაცია, რომელიც ომის ტრავმების გააზრებისა და დაამების მცდელობაა.

თბილისის ფოტო ფესტივალის ცენტრალურ გამოფენებს თბილისის ფოტოგრაფიისა და მულტიმედიის მუზეუმი უმასპინძლებს 23 სექტემბრიდან 5 ნოემბრამდე. მისამართი: მერაბ კოსტავას 14. 

ფესტივალის გახსნას ორივე გამოფენის ავტორი დაესწრება.

ფესტივალის სრული პროგრამა იხილეთ ბმულზე https://fb.me/e/3yeFUjrkT