ტრენინგი "ომით დაზარალებული უკრაინელი ქალების ფსიქო-სოციალური გაძლიერება"

„საქართველოს საქმიან და პროფესიონალ ქალთა კავშირი“, საერთაშორისო ფედერაციის - BPW International-ის ოფიციალური წარმომადგენელი საქართველოში, გიწვევთ ტრენინგზე „ომით დაზარალებული უკრაინელი ქალების ფსიქო-სოციალური გაძლიერება“. ტრენინგში მონაწილეობის მიღება შეუძლიათ საქართველოში მყოფ მიგრანტ უკრაინელ ქალებს, ასაკის მიუხედავად.

რუსეთ-უკრაინის ომის დაწყებიდან საქართველომ ათასობით უკრაინელი ლტოლვილი მიიღო, უმეტესობა ქალი და ბავშვი. საჭიროა აქტიური ქმედებები მათი რეაბილიტაციისა და სოციალიზაციის კუთხით. 

5 თვის განმავლობაში შეძლებთ ცოდნის გაღრმავებას, დასვენებას და კონტაქტების დამყარებას.

„საქმიან და პროფესიონალ ქალთა კავშირი“ მოაწყობს 4 შეხვედრას ფიზიკურ სივრცეში და 4 შეხვედრას ონლაინ სივრცეში.

გელოდებათ 1 დღიანი ტური კახეთსა და მცხეთაში.

პროექტს გაუძღვებიან ფსიქოლოგები, ექსპერტები, პროფესორები.

სამუშაო ენა: რუსული

პროექტი მოიცავს ისეთ მნიშვნელოვან თემებს, როგორიცაა:

• ლტოლვილთა უსაფრთხოებისა და დაცვის საკითხები; ქვეყანაში არსებული უსაფრთხოების სერვისები;

• სტრესის მართვის საკითხებზე სპეციალისტ ფსიქოლოგთან შეხვედრა;

• ფემინიზმი და ქალთა უფლებები;

• ინფორმაციის მიწოდება ქვეყნის საკანონმდებლო ბაზის შესახებ;

• საჯარო რესურსებისა და სერვისების შესახებ ინფორმირება;

• მენტორობა კარიერული განვითარების ასპექტებზე და მათ შესაძლებლობებზე;

და სხვა

პროექტი მარტში დაიწყება, დაინტერესებულმა პირებმა გთხოვთ გამოაგზავნოთ თქვენი პირადი ინფორმაცია და სამოტივაციო წერილი შემდეგ მისამართზე: info@bpwgeorgia.com.

განაცხადის მიღების ბოლო ვადაა 22 მარტი!