იწყება უკრაინელი პირველკლასელების რეგისტრაცია

იწყება უკრაინელი პირველკლასელების რეგისტრაცია თბილისის 41-ე და 220-ე საჯარო სკოლებში და ბათუმის მე-20 საჯარო სკოლაში 2023-2024 სასწავლო წლისთვის.

ეტაპები და მიღების პირობები:

თბილისის 41-ე საჯარო სკოლა  

რეგისტრაცია იწყება როგორც უკრაინულ ისე, ქართულ სექტორზე.

І ეტაპი - რეგისტრაციის ამ ეტაპზე, 2023 წლის 6-დან 20 მარტამდე, სკოლებში სპეციალური საგანმანათლებლო საჭიროების მქონე ბავშვების რეგისტრაცია მოხდება.

პირველი რიგში, ბავშვების მშობლებმა უნდა მიმართონ შესაბამის საჯარო სკოლას. სკოლის ადმინისტრაცია ბავშვს დაარეგისტრირებს განათლების მართვის საინფორმაციო სისტემაში (EMIS). სპეციალური საგანმანათლებლო საჭიროების დასადასტურებლად მშობელი ავსებს სკოლაში შესაბამის სააპლიკაციო ფორმას, რის შემდეგაც მულტიდისციპლინური ჯგუფი აფასებს ბავშვს და ადგენს მის საგანმანათლებლო საჭიროებას. სპეციალური საგანმანათლებლო საჭიროების არსებობის დადასტურების შემთხვევაში, სკოლა უზრუნველყოფს მოსწავლის ჩარიცხვას შესაბამისი დოკუმენტაციის მიხედვით. საბუთების წარდგენისა და პირველ ეტაპზე რეგისტრირებული ბავშვების ჩარიცხვის ვადაა 2023 წლის 21 მარტიდან 2023 წლის 28 აპრილამდე.

სპეციალური საგანმანათლებლო საჭიროების მქონე მოსწავლედ შესაძლოა ჩაითვალოს ბავშვი, რომელსაც აქვს: ა) ფიზიკური შეზღუდვა; ბ) ინტელექტუალური განვითარების დარღვევა; გ) სწავლის უნარის დარღვევა; დ) სენსორული განვითარების დარღვევა (სმენის და/ან მხედველობის); ე) მეტყველების განვითარების დარღვევა; ვ) ქცევითი და ემოციური დარღვევა; ზ) გრძელვადიანი ჰოსპიტალიზაციის საჭიროება თ) სოციალური ფაქტორებით გამოწვეული სირთულეები სწავლაში, რის გამოც ვერ ძლევს ეროვნული სასწავლო გეგმის მოთხოვნებს; ი) აუტიზმის სპექტრი.

იმ ბავშვებს, რომლებსაც არ დაუდასტურდებათ სპეციალური საგანმანათლებლო საჭიროება, საშუალება ექნებათ, რეგისტრაცია მომდევნო ეტაპებზე გაიარონ.

II ეტაპი – რეგისტრაცია 2 მაისიდან 15 მაისის ჩათვლით იქნება შესაძლებელი და სკოლაში დარეგისტრირდებიან ის ბავშვები, რომელთა:

ა) და-ძმაც სწავლობს სასურველ სკოლაში;

ბ) მშობელი/მეურვე/მზრუნველი სასურველი საჯარო სკოლის თანამშრომელია;

გ) ოჯახიდან ერთდროულად ორი ან მეტი ბავშვი შედის პირველ კლასში.

მეორე ეტაპზე რეგისტრაცია ხორციელდება საჯარო სკოლებში მშობლის/კანონიერი წარმომადგენლის მიერ ჩასარიცხად აუცილებელი დოკუმენტაციის წარდგენის საფუძველზე. რეგისტრაციას უზრუნველყოფს საჯარო სკოლა.

ბავშვებს, რომლებსაც არ აქვთ დადასტურებული სპეციალური საგანმანათლებლო საჭიროებები, ექნებათ შესაძლებლობა დარეგისტრირდნენ შემდეგ ეტაპებზე.

III ეტაპი – საყოველთაო რეგისტრაცია 17 მაისიდან დაიწყება და 9 ივნისის ჩათვლით გაგრძელდება.

რეგისტრაცია განხორციელდება განათლების მართვის საინფორმაციო სისტემის ოფიციალურ ვებგვერდზე registration.emis.ge. რეგისტრაციას უზრუნველყოფს მშობელი/კანონიერი წარმომადგენელი. ელექტრონულად რეგისტრირებული მოსწავლის ჩასარიცხად აუცილებელი დოკუმენტაციის წარდგენა 13 ივნისიდან 24 ივნისის ჩათვლით განხორციელდება. დადგენილ ვადებში დოკუმენტაციის წარუდგენლობის შემთხვევაში, რეგისტრაცია ავტომატურად გაუქმდება.

IV ეტაპი – 28 ივნისიდან 12 ივლისის ჩათვლით განხორციელდება. ამ ეტაპზე დარჩენილ თავისუფალ ადგილებზე ან წინა ეტაპებზე გამოთავისუფლებულ ადგილებზე იმ მოსწავლეების რეგისტრაცია მოხდება, რომლებიც ვერ დარეგისტრირდნენ I, II და III ეტაპებზე, ან სურთ რეგისტრაციის შეცვლა.

მოსწავლის რეგისტრაციას მეოთხე ეტაპზე უზრუნველყოფს საჯარო სკოლა მშობლის/კანონიერი წარმომადგენლის მიერ წარდგენილი აუცილებელი დოკუმენტაციის საფუძველზე.

პირველ კლასში ჩასარიცხი დოკუმენტები:

• მოსწავლის კანონიერი წარმომადგენლის განცხადება, რომელიც უნდა შეიცავდეს კანონიერი წარმომადგენლის საცხოვრებელი ადგილისა და ტელეფონის ნომრის თაობაზე ინფორმაციას და უნდა აკმაყოფილებდეს საქართველოს ზოგადი ადმინისტრაციული კოდექსის 78-ე მუხლით დადგენილ სხვა მოთხოვნებს,
• კანონიერი წარმომადგენლის ვინაობის დამდასტურებელი დოკუმენტის ასლი და საქართველოში ცხოვრების დამადასტურებელი დოკუმენტის ასლი (არსებობის შემთხვევაში). დოკუმენტების უცხო ენაზე წარდგენის შემთხვევაში, მათ უნდა ახლდეს ნოტარიუსის მიერ საქართველოს კანონმდებლობით დადგენილი წესით დამოწმებული თარგმანი ქართულ ენაზე.
• ბავშვის დაბადების მოწმობის ან პასპორტის ასლი, საქართველოში ცხოვრების დამადასტურებელი დოკუმენტის ასლი (არსებობის შემთხვევაში). დოკუმენტების უცხო ენაზე წარდგენის შემთხვევაში, მათ უნდა ახლდეს ნოტარიუსის მიერ საქართველოს კანონმდებლობით დადგენილი წესით დამოწმებული თარგმანი ქართულ ენაზე.

შენიშვნა: ბათუმის მე-20 საჯარო სკოლაში რეგისტრაციისთვისაც იგივე წესები მოქმედებს.

თბილისის 220-ე საჯარო სკოლა  

ნაბიჯი 1 - ბავშვების მშობლებმა უნდა მიმართონ 220-ე საჯარო სკოლას 2 მაისიდან 15 მაისამდე და დაარეგისტრირონ ბავშვები:

ა) რომელთა და-ძმებიც ამ სკოლაში სწავლობენ;

ბ) რომელთა მშობელი/მეურვე/მზრუნველი არის ამ საჯარო სკოლის თანამშრომელი;

გ) თუ პირველ კლასში ერთდროულად მიდის ოჯახიდან ორი ან მეტი შვილი (დედმამიშვილები). რეგისტრაციას ახორციელებს საჯარო სკოლა მშობლების/კანონიერი წარმომადგენლის მიერ ჩარიცხვისთვის საჭირო დოკუმენტაციის წარდგენის საფუძველზე (იხ. ზემოთ).

ნაბიჯი 2 - საერთო რეგისტრაცია დაიწყება 17 მაისს და გაგრძელდება 9 ივნისამდე.

რეგისტრაცია განხორციელდება განათლების მართვის საინფორმაციო სისტემის ოფიციალურ ვებგვერდზე register.emis.ge. რეგისტრაციას ახორციელებს ერთ-ერთი მშობელი/კანონიერი წარმომადგენელი. სტუდენტის ჩარიცხვისთვის საჭირო დოკუმენტაციის წარდგენა ხდება 13-დან 24 ივნისის ჩათვლით. დადგენილ ვადაში საბუთების წარუდგენლობის შემთხვევაში რეგისტრაცია ავტომატურად უქმდება.

ადგილების რაოდენობა შეზღუდულია.